ພຣູເດັນໂຊລ໌ ຊຸກຍູ້ວຽກງານຟື້ນຟູສະພາບດິນຟ້າອາກາດໃນທະວີບ ອາຊີ ເເລະ ອາຟຣິກາດ້ວຍການລົງທຶນ 2.5 ລ້ານໂດລາເພື່ອຈັດການຜົນກະທົບຈາກການປ່ຽນເເປງຂອງດິນຟ້າອາກາດຕໍ່ສຸຂະພາບ

ວຽງຈັນ, 29 ເມສາ 2024

ບໍລິສັດ ພຣູເດັນໂຊລ໌ ຈຳກັດມະຫາຊົນ (“ພຣູເດັນໂຊລ໌”), ໜຶ່ງໃນບໍລິສັດປະກັນໄພຊັ້ນນຳໃນທະວີບອາຊີ ເເລະ ອາຟຣິກາໄດ້ປະກາດວ່າ ພຣູເດັນໂຊລ໌ ມີຄວາມພະຍາຍາມໃນການຊຸກຍູ້ວຽກງານຟື້ນຟູສະພາບດິນຟ້າອາກາດ. ຜ່ານໜ່ວຍງານດ້ານການລົງທຶນໃນຊຸມຊົນພຣູເດັນໂຊລ໌ ຫຼື ມູນລະນິທິ ພຣູເດັນສ໌, ບໍລິສັດຈະລົງທຶນເປັນເງິນຈຳນວນ 2.5 ລ້ານໂດລາໃນການຈັດການຜົນກະທົບທີ່ເກີດຈາກການປ່ຽນເເປງຂອງດິນຟ້າອາກາດທີ່ມີຕໍ່ສຸຂະພາບ ເເລະ ພັດທະນາຄວາມສາມາດໃນການຟື້ນໂຕຕໍ່ສະພາບອາກາດສຳລັບຜູ້ຍິງ.

ເພື່ອຮັບມືກັບຄວາມທ້າທາຍຈາກການປ່ຽນເເປງຂອງດິນຟ້າອາກາດ, ມູນລະນິທິ ພຣູເດັນສ໌ ໄດ້ເປີດໂຕກອງທຶນຕ້ານການປ່ຽນເເປງຂອງດິນຟ້າອາກາດ ເເລະ ສຸຂະພາບ ເປັນຈຳນວນ 2 ລ້ານໂດລາ ໃນການສະໜັບສະໜູນທາງດ້ານການເງິນໃຫ້ເເກ່ທຸລະກິດຂອງພຣູເດັນໂຊລ໌ໃນ ອາຊີ ເເລະ ອາຟຣິກາ ເພື່ອເພີ່ມຄວາມສາມາດໃຫ້ພວກເຂົາເປີດໂຕ ຫຼື ສະໜັບສະໜູນເເນວຄິດລິເລີ່ມທີ່ຈັດການກັບບັນຫາທີ່ກ່ຽວຂ້ອງຈາກການປ່ຽນເເປງຂອງດິນຟ້າອາກາດ ເເລະ ປະກອບສ່ວນຢ່າງມີຄວາມໝາຍເຂົ້າໃນການສ້າງຄວາມເຂັ້ມເເຂງໃນຊຸມຊົນຂອງເຂົາເຈົ້າ

ນອກຈາກນີ້, ມູນລະນິທິ ພຣູເດັນສ໌ ຍັງຮ່ວມກັບອົງການ Climate Resilience for All (“CRA”) ເເລະ ອົງການ​ຈັດ​ຕັ້ງທີ່ບໍ່ຂຶ້ນກັບລັດຖະບານ (“NGO”) ເພື່ອສຸມໃສ່ວຽກງານປົກປ້ອງຜູ້ຍິງໃນຊຸມຊົນທີ່ມີຄວາມສ່ຽງຈາກຜົນກະທົບຈາກສະພາບອາກາດທີ່ມີຄວາມຮ້ອນຮຸນເເຮງ.

ທ່ານ ນາງ ໄດອານາ ກັດສເເມນ, ຜູ້ອຳນວຍການຝ່າຍພັດທະນາເເບບຍືນຍົງ, ບໍລິສັດ ພຣູເດັນໂຊລ໌ ຈຳກັດມະຫາຊົນ ເເລະ ປະທານ ມູນລະນິທິ ພຣູເດັນສ໌ ໄດ້ກ່າວວ່າ: “ຍຸດທະສາດການລົງທຶນຊຸມຊົນ ເເມ່ນມີຄວາມສອດຄ່ອງກັບທຸລະກິດຂອງພວກເຮົາທີ່ໃຫ້ການປົກປ້ອງ, ການຫຼຸດຜ່ອນຄວາມສ່ຽງ, ເເລະ ຊ່ວຍເຫຼືອໃຫ້ຜູ້ຄົນມີອະນາຄົດທີ່ດີກວ່າ. ພວກເຮົາຮັບຮູ້ເຖິງຜົນກະທົບຂອງການປ່ຽນເເປງຕໍ່ກັບຊຸມຊົນບາງເເຫ່ງ. ໂດຍຜ່ານ ມູນລະນິທິ ພຣູເດັນສ໌, ພວກເຮົາຈະໄດ້ລົງທຶນໃນເເນວຄິດລິເລີ່ມທີ່ຊ່ວຍໃຫ້ຊຸມຊົນສາມາດປັບໂຕເຂົ້າກັບຜົນກະທົບທີ່ເກີດຈາກການປ່ຽນເເປງຂອງສະພາບດິນຟ້າອາກາດ ເເລະ ມີຄວາມຢືດຢຸ່ນຕໍ່ຜົນກະທົບທີ່ຄາດຫວັງໄວ້ໃນປະຈຸບັນ.”

ອົງການ Climate Resilience for All ມີຄວາມພາກພູມໃຈທີ່ໄດ້ຮ່ວມມືກັບ ມູນລະນິທິ ພຣູເດັນສ໌ ເພື່ີອໃຫ້ການຊ່ວຍເຫຼືອເເບບເລັ່ງດ່ວນເເກ່ຜູ້ຍິງທີ່ກຳລັງຜະເຊີນໜ້າກັບສະພາບອາກາດທີ່ຮ້ອນຈັດ. ການໃຫ້ຄວາມຊ່ວຍເຫຼືອຜູ້ຍິງໃຫ້ມີຄວາມກຽມພ້ອມສຳລັບສະພາບອາກາດທີ່ມີຄວາມຮ້ອນຈັດໂດຍໃຫ້ຄຳເເນະນຳທີ່ທັນເວລາ ເເລະ ນຳໄປປະຕິບັດເເກ່ພວກເຂົາ ເເລະ ຄອບຄົວ ເເມ່ນມີຄວາມສຳຄັນຫຼາຍເພື່ອຫຼີກລ້ຽງການເຈັບປ່ວຍ ເເລະ ເສຍຊີວິດໂດຍບໍ່ຈຳເປັນ. ພວກເຮົາຮູ້ສຶກຍິນດີສຳລັບການສະໜັບສະໜູນທາງດ້ານການເງິນນີ້ ທີ່ສາມາດເຮັດໃຫ້ພວກເຮົາຂະຫຍາຍວຽກງານຊ່ວຍເຫຼືອຊີວິດຜູ້ຄົນ.”ກ່າວໂດຍທ່ານນາງ ເຄທີ ໂບເເມນ ເເມັກລອຍ, ຜູ້ອຳນວຍການໃຫຍ່ ອົງການ Climate Resilience for All.

ໃນປະເທດທີ່ກຳລັງພັດທະນາ ໂດຍທົ່ວໄປມີໂຄງຮ່າງພື້ນຖານດ້ານສຸຂະພາບທີ່ອ່ອນເເອ ເເລະ ເປັນກຸ່ມສ່ຽງທີ່ສຸດຕໍ່ຜົນກະທົບກັບສະພາບອາກາດຮ້ອນຈັດ, ໄຟໄໝ້ປ່າ, ນຳ້ຖ້ວມ ເເລະ ພາຍຸລົມຮ້ອນ ເຊິ່ງມີຂະໜາດຄວາມຖີ່ ເເລະ ຮຸນເເຮງ. ໃນລະຫວ່າງປີ 2030 ເເລະ 2050 ຄາດການວ່າການປ່ຽນເເປງຂອງສະພາບອາກາດຈະເຮັດໃຫ້ມີຜູ້ເສຍຊີວິດປະມານ 250,000ຄົນ ຕໍ່ປີ ຈາກການຂາດສານອາຫານ, ໄຂ້ມາເລເຣຍ, ຖອກທ້ອງ, ເເລະ ຄວາມກົດດັນຈາກຄວາມຮ້ອນ.

ການຮ່ວມມືກັບ Climate Resilience for All ເຫັນວ່າ ມູນລະນິທິ ພຣູເດັນສ໌ ຈະປະກອບສ່ວນເປັນຈຳນວນເງິນ 500.000ໂດລາ ໃຫ້ເເກ່ CRA ໃນ ໂຄງການ ປະກັນໄພສຳລັບເເມ່ຍິງຕໍ່ກັບການປ່ຽນເເປງສະພາບດິນຟ້າອາກາດກະທັນຫັນ ເເລະ ການດຳລົງຊີວິດ (“WCS”). ໂຄງການ ປະກັນໄພສຳລັບເເມ່ຍິງຕໍ່ກັບການປ່ຽນເເປງສະພາບດິນຟ້າອາກາດກະທັນຫັນ ເເລະ ການດຳລົງຊີວິດ ນີ້ ເເມ່ນໂຄງການລິເລີ່ມໃໝ່ທີ່ມີໄລຍະເວລາຫຼາຍປີ ເຊິ່ງມີຈຸດປະສົງໃນການໃຫ້ການປົກປ້ອງການດຳລົງຊີວິດ ເເລະ ສຸຂະພາບຂອງຜູ້ຍິງທີ່ມີຄວາມສ່ຽງທີ່ສຸດຈາກສະພາບອາກາດຮ້ອນຈັດດ້ວຍການເເຊກເເຊງເພື່ອການຟື້ນຟູເເບບປະສົມປະສານທີ່ຫຼາກຫຼາຍ ເຊິ່ງລວມເຖິງການເຕືອນໄພລ່ວງໜ້າ ເເລະ ການເເຊກເເຊງທາງການເງິນທີ່ເປັນນະວັດຕະກຳໃໝ່.

ລະບົບເຕືອນໄພ ສຸຂະພາບ-ຄວາມຮ້ອນ ພ້ອມກັ​ບ​ການເຜີຍ​ແຜ່ຄຳເເນະນຳໃນການປະ​ຕິ​ບັດ ຜ່ານທາງແອັບພລິເຄຊັນ ວອັດເເອັບ ເປັນຫຼັກ ເຊິ່ງເປັນຄຸນລັກສະນະສຳຄັນຂອງເເນວຄິດລິເລີ່ມນີ້. ນີ້ເປັນການປະສົມປະສານລະຫວ່າງການສື່ສານເເບບຍຸດທະສາດ ເເລະ ຄວາມຮັບຮູ້ກ່ຽວກັບ ສຸຂະພາບ-ຄວາມຮ້ອນ ແບບກຳນົດເປົ້າໝາຍ ເພື່ອຊ່ວຍເຫຼືອຜູ້ຍິງທີ່ເປັນເເຮງງານນອກລະບົບໃນອິນເດຍ, ກຽມຄວາມພ້ອມ ເເລະ ຟື້ນຟູຈາກສະພາບອາກາດຮ້ອນຈັດ, ເເລະ ທ້າຍທີ່ສຸດ ສະໜັບສະໜູນເເມ່ຍິ່ງເຫຼົ່ານີ້ໃຫ້ຍົກລະດັບຕົນເອງ ເເລະ ຄອບຄົວອອກຈາກຄວາມທຸກຍາກ.

ຍຸດທະສາດໃນການພັດທະນາເເບບຍືນຍົງຂອງ ພຣູເດັນໂຊລ໌ ເເມ່ນມີເປົ້າໝາຍໃນການຊ່ວຍປະກອບສ່ວນເຂົ້າໃນການພັດທະນາເເບບຍືນຍົງຂອງອົງການສະຫະປະຊາຊາດ ເຊິ່ງລວມມີ ມີວຽກເຮັດງານທຳທີ່ມີກຽດ ເເລະ ເສດຖະກິດຂະຫຍາຍໂຕ, ສົ່ງເສີມການອຸປະໂພກບໍລິໂພກ ເເລະ ການຜະລິດຢ່າງມີຄວາມຮັບຜິດຊອບ,​ ເເລະ ມີເເຜນການຮັບມືກັບການປ່ຽໜເເປງດິນຟ້າອາກາດ.

ສຳລັບຂໍ້ມູນເພີ່ມຕື່ມກ່ຽວກັບຍຸດທະສາດການພັດທະນາເເບບຍືນຍົງຂອງ ພຣູເດັນໂຊລ໌ ເເມ່ນສາ​ມາ​ດ​ເຂົ້າ​ເບີ່ງ​ໄດ້​ທີ່: https://www.prudentialplc.com/en/sustainability.

ອົງການອະນາໄມໂລກ

ກ່ຽວກັບ ບໍລິສັດ ພຣູເດັນໂຊລ໌ ຈຳກັດມະຫາຊົນ

ບໍລິສັດ ພຣູເດັນໂຊລ໌ ຈຳກັດມະຫາຊົນໃຫ້ການບໍລິການປະກັນໄພຊີວິດ ແລະ ສຸຂະພາບ ແລະ ການຄຸ້ມຄອງຊັບສິນ, ໃນ 24 ປະເທດໃນຂົງເຂດອາຊີ ແລະ ອາຟຣິກາ. ພາລະກິດຂອງ ບໍລິສັດ ພຣູເດັນໂຊລ໌ ເເມ່ນ ເປັນຜູ້ໃຫ້ບໍລິການ ແລະ ຜູ້ໃຫ້ການປົກປ້ອງທີ່ໜ້າເຊື່ອຖືທີ່ສຸດສຳລັບຄົນລຸ້ນຕໍ່ໆໄປ ຜ່ານການນຳສະເໜີການບໍລິການທາງດ້ານການເງິນ ເເລະ ສຸຂະພາບ ເປັນທີ່ສາມາດເຂົ້າເຖິງໄດ້. ບໍລິສັດ ພຣູເດັນໂຊລ໌ ຈຳກັດມະຫາຊົນ ຖືກຈັດຢູ່ໃນຕະຫຼາດຫຼັກຊັບ ຮົງກົງ (2378), ແລະ ຕະຫຼາດຫຼັກຊັບຂອງ ລອນດອນ  (PRU).  ນອກຈາກຍັງຢູ່ໃນລາຍຊື່ສຳຮອງໃນຕະຫຼາດຫຼັກຊັບສິງກະໂປ (K6S) ແລະ ລາຍຊື່ຢູ່ໃນຕະຫຼາດຫຼັກຊັບຂອງລັດນີວຢອກ (PUK) ໃນຮູບການຝາກເງິນໃນສະຫະລັດອາເມລິກາ ແລະ ຍັງເປັນສ່ວນປະກອບຮຸ້ນດັດຊະນີ Hang Seng ເເລະ ຍັງລວມຢູ່ໃນການຊື້ຂາຍໃນໂປຣເເກຣມ Shanghai-Hong Kong Stock Connect.

ບໍລິສັດ ພຣູເດັນໂຊລ໌ ມະຫາຊົນ ບໍ່ໄດ້ມີສ່ວນກ່ຽວຂ້ອງໃນລັກສະນະໃດ ກັບບໍລິສັດ Prudential Financial, Inc., ບໍລິສັດ ທີ່​ມີ​ການ​ດຳ​ເນີນທຸລະກິດຫຼັກຢູ່ໃນສະຫະລັດອາເມລິກາ ຫຼື ກັບບໍລິສັດ Prudential Assurance Company Limited, ບໍລິສັດຍ່ອຍຂອງ M&G plc, ເຊິ່ງເປັນບໍລິສັດທີ່ຈັດຕັ້ງຂຶ້ນໃນລາດຊະອານາຈັກ. ລາຍລະອຽດເພີ່ມຕື່ມໄດ້ທີ່: https://www.prudentialplc.com/

ກ່ຽວກັບ ມູນລະນິທິ ພຣູເດັນສ໌

ມູນລະນິທິ ພຣູເດັນສ໌ ເເມ່ນໜ່ວຍງານດ້ານການລົງທືຶນຊຸມຊົນຂອງ ບໍລິສັດ ພຣູເດັນໂຊລ໌ ມະຫາຊົນ ໃນທະວີບອາຊີ ເເລະ ອາຟຣິກາ. ພາລະກິດຂອງ ມູນລະນິທິ ພຣູເດັນສ໌ ເເມ່ນສ້າງອະນາຄົດທີ່ດີກວ່າໃຫ້ຊຸມຊົນໂດຍເຮັດໃຫ້ ພວກເຂົາປອດໄພ ເເລະ ສາມາດປັບໂຕຕໍ່ຄວາມສ່ຽງຂອງຊີວິດໄດ້ຫຼາຍຂຶ້ນ. ມູນລະນິທິ ພຣູເດັນສ໌ ໄດ້ດຳເນີນໂຄງການລະດັບພາກພື້ນ ເເລະ ລະດັບທ້ອງຖິ່ນໂດຍຮ່ວມມືກັບອົງການຈັດຕັ້ງທີ່ບໍ່ຂຶ້ນກັບລັດຖະບານ, ລັດຖະບານ, ພາກເອກະຊົນ ເພື່ອໃຫ້ເກີດຜົນປະໂຫຍດສູງສຸດ. ມູນລະນິທິ ພຣູເດັນສ໌ ໝູນໃຊ້ເເນວຄິດໃນລະຍາວຂອງ ພຣູເດັນໂຊລ໌​ ເເລະ ຂະໜາດພູມສັນຖານເພື່ອເຮັດໃຫ້ຊຸມຊົນມີຄວາມປອດໄພ,​ ໝັ້ນຄົງ, ເເລະ ຢືດຢຸ່ນຫຼາຍຂຶ້ນ. ມູນລະນິທິ ພຣູເດັນສ໌ເເມ່ນ ອົງການກຸສົນ ເເລະ ຈົດທະບຽນທີ່ ຮົງກົງ.  

ລະອຽດເພີ່ມຕື່ມໄດ້ທີ່: www.prudencefoundation.com

ກ່ຽວກັບ Climate Resilience for All

Climate Resilience for All (CRA) ເເມ່ນອົງການຈັດຕັ້ງທີ່ບໍ່ຂຶ້ນກັບລັດຖະບານດ້ານການປັບໂຕຕໍ່ສະພາບການປ່ຽນເເປງຂອງດິນຟ້າອາກາດ ທີ່ອຸທິດຕົນໃນການປົກປ້ອງຜູ້ຍິງໃນຊຸມຊົນທີ່ມີຄວາມສ່ຽງຕໍ່ສະພາບອາກາດຄວາມຮ້ອນຈັດ ເເລະ ຈາກຜົນກະທົບທັງໝົດ. CRA ເເມ່ນມີຄວາມກະຕືລືລົ້ນໃນການຮ່ວມມືກັບຊຸມຊົນໃນການຮ່ວມສ້າງ ເເລະ ຮ່ວມສົ່ງມອບທາງອອກເພື່ອຊ່ວຍເຫຼືອຜູ້ຄົນໃນປະຈຸບັນ ກ່ຽວກັບການກະຕຸ້ນທີ່ໃຫ້ເກີດການປ່ຽນເເປງທີ່ນຳເອົາຄວາມສາມາດໃນການປັບໂຕຕໍ່ກັບສະພາບອາກາດສຳລັບທຸກຄົນ ເຊິ່ງຕຳຂວັນຂອງ CRA ເເມ່ນ “ເມື່ອຜູ້ຍິງມີຄວາມສາມາດປັບໂຕຕໍ່ສະພາບອາກາດ ພວກເຮົາທຸກຄົນກໍ່ສາມາດປັບໂຕຕໍ່ສະພາບອາກາດໄດ້ເຊັ່ນດຽວກັນ.”

ລະອຽດເພີ່ມຕື່ມໄດ້ທີ່: www.climateresilience.org