ບໍລິສັດ ພຣູເດັນໂຊລ໌ ລາວ ໄດ້ຈັດງານບໍລິຈາກເລືອດເພື່ອເປັນການເນັ້ນຍ້ຳໂຄງການ “ພວກເຮົາເຮັດດີ”
ໃນວັນທີ 18 ພະຈິກທີ່ຜ່ານມາ, ບໍລິສັດ ພຣູເດັນໂຊລ໌ ປະກັນໄພຊີວິດ ລາວ ຈຳກັດ ໄດ້ຈັດງານບໍລິຈາກເລືອດ ເຊິ່ງໄດ້ຮ່ວມກັບ ອົງການກາແດງ ທີ່ ວຽງຈັນເຊັນເຕີ້ ເພື່ອສຳຮອງເລືອດໃຫ້ກັບຜູ້ທີ່ຕ້ອງການໃນອະນາຄົດ.
ງານບໍລິຈາກຈັດຂຶ້ນທີ່ຫ້ອງໂຖງໃຫຍ່ຂອງວຽງຈັນເຊັນເຕີ້ເຕັມໄປດ້ວຍຜູ້ຄົນທີ່ມາຮ່ວມບໍລິຈາກຈຳນວນຫຼາຍ ເຊິງໃນນັ້ນລວມມີ: ພະນັກງານຈາກບໍລິສັດ ພຮູເດັນໂຊລ໌ ລາວ, ຄູ່ຮ່ວມທຸລະກິດ, ແລະ ຜູ້ທີ່ສົນໃຈບໍລິຈາກເລືອດຈາກທາງສື່ສັງຄົມອອນໄລ, ແລະ ອື່ນໆ. ໃນງານ, ພະນັກງານບໍລິສັດ ພຣູເດັນໂຊລ໌ໄດ້ມີການແຈກຢາຍນ້ຳ ແລະ ອາຫານວ່າງ ລວມໄປເຖິງຂອງທີ່ລະນຶກໃຫ້ຜູ້ທີ່ມາບລິຈາກເລືອດ
ຕາມຄຳໝັ້ນສັນຍາຂອງແບຣນເຮົາທີ່ວ່າ “ຮັບຟັງ, ເຂົ້າໃຈ, ແລະ ມອບສິ່ງທີ່ດີໃຫ້ແກ່ທ່ານ” ແລະ ເພື່ອເນັ້ນຍ້ຳໂຄງການ “ພວກເຮົາເຮັດດີ” ພຣູເດັນໂຊລ໌ ລາວ ມີຄວາມຍິນດີທີ່ຈັດງານບໍລິຈາກເລືອດ ເຊິ່ງເລືອດທີ່ລວບລວມໄດ້ສາມາດຊ່ວຍຊີວິດໄດ້ກວ່າ 100 ຊີວິດ. ບໍລິສັດ ພຣູເດັນໂຊລ໌ ຮູ້ສຶກຂອບໃຈຜູ້ບໍລິຈາກ ແລະ ອາສາສະໝັກທຸກຄົນທີ່ຊ່ວຍປົກປ້ອງ ແລະຄຸ້ມຄອງສຸຂະພາບ ແລະ ການເປັນຢູ່ຂອງຊຸມຊົນລາວ.
ພຣູເດັນໂຊລ໌ ລາວໄດ້ມີຫ້ອງການຕົວເເທນທີ່ນະຄອນຫຼວງວຽງຈັນໃນເດືອນ ມີນາ 2015 ເເລະ ໄດ້ຮັບໃບອະນຸຍາດການດຳເນີນທຸລະກິດຈາກກະຊວງການເງິນໃນເດືອນ ເມສາ 2016
ພຣູເດັນໂຊລ໌ ລາວ ເລີ່ມຕົ້ນທຸລະກິດໃນເດືອນ ພຶດສະພາ 2016 ແລະ ນຳເອົາຜະລິດຕະພັນປະກັນໄພຊີວິດທີ່ແທດເໝາະກັບ ຄວາມຕ້ອງການໃນການປົກປ້ອງຄຸ້ມຄອງ ແລະ ການສະສົມທຶນຂອງຄົນລາວ. ໃນປະຈຸບັນ, ບໍລິສັດ ພຣູເດັນໂຊລ໌ ລາວ ໄດ້ຈຳໜ່າຍຜະລິດຕະພັນຜ່ານ ລະບົບທະນາຄານ ທົ່ວປະເທດ.
ສາມາດອ່ານຂໍ້ມູນເພີ່ມເຕີມໄດ້ທີ່ www.prudential.la ກ່ຽວກັບ ພຣູເດັນໂຊລ໌ ລາວ.
ສຳລັບຂໍ້ມູນເພີ່ມຕື່ມ
ບໍລິສັດ ພຣູເດັນໂຊລ໌ ລາວ ຈຳກັດ
ນ. ຮັ່ນນີ້ ໄຊຍະຈັກ
ຜູ້ຊ່ຽວຊານດ້ານການຕະຫຼາດ
Honey.xaynhachack@prudential.la