ພຣູເດັນໂຊລ໌ ລາວ ຄູ່ຮ່ວມທຸລະກິດກັບ ທະນາຄານ ລາວ-ຝຣັ່ງ

ທະນາຄານ ລາວ - ຝຣັ່ງ ແລະ ພຣູເດັນໂຊລ໌ ລາວ  ໄດ້ເປີດໂຕການເປັນຄູ່ຮ່ວມທຸລະກິດໃນການຂາຍປະກັນໄພຊີວິດຜ່ານທະນາຄານ ເພື່ອໃຫ້ມີການເຂົ້າເຖິງ ຜະລິດຕະພັນປະກັນໄພຊີວິດ ໄດ້ຫຼາຍຂຶ້ນໃນລາວ.

ທະນາຄານ ລາວ - ຝຣັ່ງ ເເລະ ບໍລິສັດ ພຣູເດັນໂຊລ໌ ປະກັນໄພຊີວິດ ລາວ ຈຳກັດ (ພຣູເດັນໂຊລ໌) ໄດ້ເຊັນສັນຍາ ເປັນຄູ່ຮ່ວມທຸລະກິດໃນນການຂາຍປະກັນໄພຊີວິດຜ່ານທະນາຄານໄລຍະຍາວ ເຊິ່ງທັງສອງບໍລິສັດຈະໄດ້ຮ່ວມມືກັນໃນການພັດທະນາ ເເລະ ຈຳໜ່າຍຜະລິດຕະພັນການປະກັນໄພຊີວິດໃຫ້ເເກ່ບັນດາລູກຄ້າຜ່ານເຄືອຂ່າຍຂອງທະນາຄານ ລາວ-ຝຣັ່ງ ລວມມີ ສາຂາ ຫຼວງພະບາງ,​ວັງວຽງ, ວຽງຈັນ, ສະຫວັນນະເຂດ, ເເລະ ປາກເຊ.

ຂໍ້ຕົກລົງນີ້ມີຜົນສັກສິດຕັ້ງເເຕ່ວັນທີ 18 ກຸມພາ 2020 ເຊິ່ງ ພຣູເດັນໂຊລ໌ ລາວ ຈະເປັນໜຶ່ງໃນຜູ້ຈັດຈຳໜ່າຍຜະລິດຕະພັນປະກັນໄພຊີວິດໃຫ້ກັບລູກຄ້າຂອງ ທະນາຄານ ລາວ- ຝຣັ່ງ ພ້ອມດ້ວຍເປົ້າໝາຍທີ່ຈະເພີ່ມຄວາມສາມາດໃນການຈຳໜ່າຍປະກັນໄພຊີວິດຂອງ ທະນາຄານ ລາວ - ຝຣັ່ງ ຢ່າງເຂັ້ມແຂງ ແລະ ທີ່ສຳຄັນກໍ່ແມ່ນເພື່ອເສີມຂະຫຍາຍສາຂາຂອງ ພຣູເດັນໂຊລ໌ ໃຫ້ເຂົ້າເຖິງຕະຫຼາດໄດ້ງ່າຍຂຶ້ນ.

ທ່ານ ອາໂນດ ເກົາລີເຢ, ຜູ້ອຳນວຍການ ທະນາຄານລາວ-ຝຣັ່ງ ໄດ້ກ່າວວ່າ: “ການຮ່ວມມືໃນຄັ້ງນີ້ໄດ້ສະເເດງໃຫ້ເຫັນເຖິງການຮ່ວມມືກັນຂອງສອງສະຖາບັນການເງິນຊັ້ນນຳຂອງລາວ ເຊິ່ງລວມມີ ສາຂາກຸ່ມທະນາຄານ BRED International ພ້ອມກັບພຣູເດັນໂຊລ໌ ຜູ້ທີ່ມີ່ຄວາມຊ່ຽວຊານດ້ານປະກັນໄພ ແລະ ການບໍລິຫານເລື່ອງການເງິນ ເຊິ່ງເປັນຜູ້ນຳຕະຫຼາດສາກົນທີ່ມີຄຳໝັ້ນສັນຍາໄລຍະຍາວໃຫ້ກັບຕະຫຼາດອາຊີ. ພາຍໃຕ້ການຄວາມຮ່ວມມືໃນຄັ້ງນີ້, ພວກເຮົາຈະເຮັດວຽກຮ່ວມມືກັບພຣູເດັນໂຊລ໌ ລາວ ເພື່ອສືບຕໍ່ພັດທະນາ ການບໍລິຫານການເງິນເພື່ອຮັບຮອງເອົາຖານລູກຄ້າທີ່ກຳລັງເຕີບໂຕຢ່າງວ່ອງໄວໃນປະເທດລາວ ແລະ ຈະຊ່ວຍເຕີມເຕັມຄວາມຝັນ ພ້ອມກັບ ຄວາມໝັ້ນຄົງໄລຍະຍາວອີກດ້ວຍ”

ການເປັນຄູ່ຮ່ວມທຸລະກິດຂາຍປະກັນໄພຊີວິດຜ່ານທະນາຄານໃນຄັ້ງນີ້, ລູກຄ້າຂອງ ທະນາຄານ ລາວ - ຝຣັ່ງ ບໍ່ວ່າຈະເປັນລູກຄ້າທົ່ວໄປ, ລູກຄ້າທີ່ມີທຸລະກິດຂະໜາດໃຫຍ່ ເເລະ ນ້ອຍ ສາມາດເຂົ້າເຖິງ ການໃຫ້ບໍລິການ ໃນການໃຫ້ຄຳປຶກສາ ທາງດ້ານປະກັນໄພຊີວິດທີ່ເໝາະສົມທີ່ສຸດແດ່ລູກຄ້າ ​ໂດຍຜ່ານເຄືອຂ່າຍຂອງທະນາຄານ ເຊິ່ງລວມໄປເຖິງ ຜ່ານບໍລິການອິນເຕີເນັດ ເເລະ ຜ່ານລະບົບທະນາຄານເທິງໂທລະສັບໃນອະນາຄົດ.

ທ່ານ ນາງ ສຸດສະຫວາດ ເພັດສຸວັນ, ຜູ້ອຳນວຍການໃຫຍ່ ບໍລິສັດພຣູເດັນໂຊລ໌ ລາວໄດ້ກ່າວວ່າ: “ການຮ່ວມມືໃນຄັ້ງນີ້ເປັນບາດກ້າວທີ່ສຳຄັນໃນການຮ່ວມກັນລົງມືດຳເນີນງານ ຢ່າງວ່ອງໄວ ເເລະ ມິີປະສິດທິພາບ ເພື່ອໃຫ້ລູກຄ້າຂອງເຮົາໄດ້ຮັບຜົນປະໂຫຍດ ຜ່ານບໍລິການຫຼາຍຊ່ອງທາງຂອງທະນາຄານ ລາວ - ຝຣັ່ງ ແລະ ໄດ້ຮັບຜົນປະໂຫຍດຢ່າງເຕັມທີ່ຈາກຜະລິດຕະພັນປະກັນໄພຊີວິດ ຈາກ ພຣູເດັນໂຊລ໌ ທີ່ຖືກອອກເເບບມາໃຫ້ເໝາະສົມກັບຄວາມຕ້ອງການຂອງລຸກຄ້າ. ພວກເຮົາຫວັງວ່າຈະໄດ້ຮ່ວມມືຢ່າງໃຫ້ຊິດກັບທະນາຄານ ລາວ - ຝຣັ່ງ ເພື່ອມອບການປົກປ້ອງຄຸູ້ມຄອງໃຫ້ກັບຄົນທີ່ລູກຄ້າຮັກ ແລະ ເພື່ອ ອະນາຄົດທີ່ສົດໃສຂອງພວກເຂົາ”

ທ່ານສາມາດສຶກສາຂໍ້ມູນກ່ຽວກັບການຮ່ວມມື ແລະ ການໃຫ້ບໍລິການ ການບໍລິຫານການເງິນ ຂອງ ພຣູເດັນໂຊລ໌ ລາວ ເພີ່ມຕື່ມໄດ້ທີ່ ສາຂາຂອງທະນາຄານ ລາວ - ຝຣັ່ງ ແລະ ຜ່ານຊ່ອງທາງອອນລາຍ ຫຼື ທ່ານສາມາດສອບຖາມຜູ້ຈັດການການໃຫ້ບໍລິການລູກຄ້າ ທີ່ທະນາຄານ ລາວ - ຝຣັ່ງ 021 285 444 ຫຼື contact@bfl.la ຫຼື ຜູ້ຊ່ຽວຊານດ້ານປະກັນໄພຂອງ ພຣູເດັນໂຊລ໌ ລາວ ໄດ້ທີ່ 021 211 123 ຫຼືinfo@prudential.la.

ກ່ຽວກັບທະນາຄານ ລາວ - ຝຣັ່ງ

ກຸ່ມທະນາຄານ ລາວ - ຝຣັ່ງ ຫຼື ທະນາຄານ ລາວ - ຝຣັ່ງ ເປັນການຮ່ວມທຶນລະຫວ່າງກຸ່ມທະນາຄານ  BRED Banque Populaire ເເລະ ທະນາຄານ ການຄ້າຕ່າງປະເທດລາວ. ​ກຸ່ມທະນາຄານ BRED (BRED Group) ຖືກສ້າງຕັ້ງຂຶ້ນຈາກການຮ່ວມກັນຂອງທະນາຄານໂດຍຜູ້ປະກອບການ ໃນປີ 1919  ແລະ ຍັງຮັກສາຄວາມເປັນຜູ້ປະກອບການຕັ້ງເເຕ່ກໍ່ຕັ້ງມາ ພ້ອມກັບຄວາມມຸ່ງໝັ້ນໃນການຮັບຜິດຊອບທີ່ໜັກແໜ້ານຕໍ່ຊຸມຊົນ ເເລະ ທຸກຂະແໜງການທີ່ກ່ຽວຂ້ອງ.

ກຸ່ມທະນາຄານ BRED Banque Populaire ເປັນສະມາຊິກຂອງ BPCE ກຣຸບ ເຊິ່ງເປັນ ກຣຸບທະນາຄານທີ່ໃຫຍ່ເປັນອັນດັບ 2 ທີ່ປະເທດ ຝຣັ່ງ ເຊິ່ງ ໃຫ້ບໍລິການລູກຄ້າຫຼາຍຫວ່າ 31.2 ລ້ານຄົນ, ມີ ພະນັກງານຫຼາຍກວ່າ 100,000ຄົນທົ່ວໂລກ, ເເລະ ມີຜູ້ຖືຫຸ້ນປະມານ 9,000,000 ຄົນ. ກຸ່ມທະນາຄານ BRED Banque Populaire ຖືກກໍ່ຕັ້ງຂຶ້ນທົ່ວໂລກໂດຍມີສາຂາຕັ້ງທີ່ Horn of Africa (Djibouti), ພາກພື້ນເເປຊີຟິກ region (New-Caledonia, Vanuatu and the Fiji Islands)  ແລະ ອາຊີຕະເວັນອອກສ່ຽງໃຕ້

ສາ​ມາດ​ອ່ານ​ຂໍ້​ມູນ​ເພີ່ມ​ເຕີມ​ໄດ້​ທີ່ www.bfl-bred.com ກ່ຽວ​ກັບ ທະນາຄານລາວ - ຝຣັ່ງ

 ກ່ຽວກັບ ບໍລິສັດ ປະກັນໄພຊີວິດ ພ​ຣູ​ເດັນ​ໂຊ​ລ໌ (ລາວ) ຈຳກັດ (ພ​ຣູ​ເດັນ​ໂຊ​ລ໌ ລາວ)

ພ​ຣູ​ເດັນ​ໂຊ​ລ໌ ລາວ ເລີ່ມ​ຕົ້ນ​ທຸ​ລະ​ກິດ​ໃນ​ເດືອນ ພຶດ​ສະ​ພາ 2016  ແລະ ນ​ຳເອົາຜະ​ລິດ​ຕະ​ພັ​ນ​ປະ​ກັນ​ໄພ​ຊີ​ວິດ​ທີ່​ແທດ​ເໝາະ​ກັບ​ຄ​ວາມ​ຕ້ອງ​ການ​ໃນ​ການ​ປົກປ້​ອງຄຸ້ມຄອງ ແລະ ການສະສົມທຶນຂອງ​ຄົນ​ລາວ. ໃນ​ປະ​ຈຸ​ບັນ, ບໍ​ລິ​ສັດ ພ​ຣູ​ເດັນ​ໂຊ​ລ໌ ລາວ ໄດ້​ຈຳ​ໜ່າຍ​ຜະ​ລິດ​ຕະ​ພັນປະກັນໄພຊີວິດ​ຜ່ານ​ ທະນາຄານ ທົ່ວ​ປະ​ເທດ​.

ສາ​ມາດ​ອ່ານ​ຂໍ້​ມູນ​ເພີ່ມ​ເຕີມ​ໄດ້​ທີ່ www.prudential.la ກ່ຽວ​ກັບ ພ​ຣູ​ເດັນ​ໂຊລ໌ ລາວ.